Wienerlied

Ach wär i nur

(noch unvertont)

Wenn i daran denk, warum i mi so kränk,

kumm i meistens drauf, dass i zuviel sauf,

weil mir fehlt das Geld für die große Welt

und mei Freundeskreis, ja der kost sein Preis!

Refrain: Ach wär i wär i wär i nur wer

Mit an ganz großn Gscherr

Alle tätn ma zu Füßn liegen

Und mir de Handerl küssen

Alle tätns mi hofiern und i könnt nimmamehr verliern,

alle tätns mi in Himmel hebn – ja, des wär a Superleben!

Wenn i daran denk, warum mir kaner was schenkt,

kumm i meistens drauf, dass i in der Masse lauf,

weil mir fehlt der Schneid von all den miesn Leut,

um amal mitzumachn bei de großn Sachn!

Refrain…

Wenn i daran denk, warum i nix dergleng,

kumm i meistens drauf, dass i ums Überlebn rauf,

weil i bin bei arme Leut geburn und hab scho seit Geburt verlurn

und zum Paketiern hab i zuviel Maniern

und für die Politik fehlt ma der irre Blick!

Refrain…

Wenn i daran denk, wer mei Geschick so lenkt,

kumm i meistens drauf, dass i mi net verkauf!

I hab dem Teufl nie mei Seel anboten

für a schöns Leben mit hohe Quoten

und hätt i’s amal doch getan-

wer weiß, vielleicht hätt er gsagt: NA!

Refrain…

2009 nahm ich damit an einem Wettbewerb teil, habe aber nicht gewonnen. Kann mir gar nicht erklären warum..